Huts egin duzu inoiz?Lasai, ez dio axola. Saiatu berriro. Huts egin berriro. Hobeto huts egin. Samuel Beckett, 1983
Abe 26
Hizkuntza da erabileraren ondorioz zorrozten den tresna bakarra.
Abe 17
Oro da errana, errotik ateratako ileak bizirik gauden seinale, inork ez du harkadian isiltasuna apurtzeko imintziorik egin, oro delako errana aspaldidanik, serioa delako bizitza, serioegia ikuskizunaren erdian puzkerka lehertzeko. Oro da errana, hitzez mozorrotzen gara, gorputzeko humoreak darabilzkigu oraindik nondik jo ez dakigunean, oraindik badugulako zertaz axolagabetu, zeri barre egin, serioa delako bizitza, serioegia oro errana dela esan eta azoketan liburuak oparitzen ibili behar izateko. Hemen dira nazioarteko kazetariak dagoeneko, urduri dabiltza argazkilariak leku bila, ez genuen inor enteratzerik nahi … Jarraitu irakurtzen
Abe 10
Itzultzen duenak, ez du ezer itzultzerik espero. Ez bada hizkuntza arteko zubi bat, bere egin duena, denontzat itzultzea baino. Itzulitako zubi baten itzulpena egin. Zubi itzuli bat, ibaia doakio gainetik, zubiak eusten du ibaia, itzulita dagoelako. Lurrak eusten du ibaia, eta zubia, zubiak eusten du itzulitako ibaia. Zerbait itzultzen denean, ez dator, badoa. Eta badator aldi berean. Itzutzerakoan itzuli egiten da, buelta ematen zaio, gorantz doa ibaia. Nagore Tolosa dugu, gaurkoan, Celosamente Gordean.
Aza 26
Alde batean daude jabeak, eta beste aldean daude desjabeak. Arraroa da harremana: desjabeek badute zerbait jabetzan, baina benetan ez dute ezer. Desjabeek jabetzan dutenaren benetako jabeak marraren bestaldean daude. Jabeak dira desjabeek jabetzan dutenaren jabe. Desjabeari, jabeak, zerbaiten jabe dela sinestarazten dio. Konbentzitu egiten du. Desjabea horretaz jabetzen da: konbentzimendu hori du, aire horrekin betetzen du sabela. Desjabeak kaxa huts bat du, eta beteta dagoela sinestarazten dio jabeak. Desjabeak, gainera, jabea dela sinetsarazi dioten hori du zorretan. Nori, eta jabeari … Jarraitu irakurtzen
Aza 19
“Ez gara gure benetako altueraz jabetzen, zutik jartzen garen momentura arte” Emily Dickinson
Aza 12
Xabier Gantzarainek Berrian kateatu ditu, orain gutxi, atzerria eta aberriaren gaineko zenbait gogoeta. Celosamente gorde ditugu geurean, eta une berean baita zabaldu ere. Ez dagoelako zerbait une batez ezkutuan gorde, eta gero arnasa hartzera zabaltzea bezalakorik.
Aza 05
“Lagun maiteok, ezagun eta ezezagunok, aberri-kide eta munduko biztanle guztiok oro har, posible da hemendik minutu gutxira, espazio ontzi honen barruan nagoen hau, lehen aldiz unibertsoko kanpoalde urrunera ailegatzea. Eta zer esango dizuet bada nik abiatu aurreko une hauetan? Nire bizitza osoa begien aurretik pasatzen zait errepikatuko ez den momentu eder eta bakarrean. Orain arte, egin eta bizi izan dudan guztia honetarako izan da.” Yuri Gagarin
Urr 29
Zurik badugun galdetzen digunari su ematea ez da bekatu. Eskerrik eman gabe urruntzen bada ere, ez gara haren atzetik joango. Inork ez duelako koblakaririk behar inguruotan, inork ez du arrakastaren garretan hiltzera kondenaturik bizitzea merezi, dena ez da ohitura, dena ez da errua, dena ez da barkamena eta hala ere, bizitzak betunezko paradoxa bat izaten jarraitzen du. Zerua itsaso zikin bat balitz ere ez genioke gora begiratu eta irribarre egiteari utziko. Sua behar genuen eta sua da daukaguna. Erretako enbor … Jarraitu irakurtzen
- avisos
- Web disenatzailea: Saregune zentroa
- Webgunea kudeatu
HALA BEDI irratiaren egoitza:
HALA BEDI irratiaren taberna:
01001 Vitoria-Gasteiz (Araba)