halabedi

Ez zara jaten duzuna bakarrik. Zure gorputzetik pasa ondoren botatzen duzuna ere bazara. Badirudi jendeari kosta egiten zaiola ohartzea bere ahalmena noraino iristen den. Zilborrari begira pasatzen dugu eguna eta gaua.  Ez dakigu zer erosten dugun, zer ahoratzen dugun, zer mastekatzen dugun. Eta ez dakigu zer uzten dugun atzean, zer iruditzen zaigun aprobetxatu ezinekoa. Jaurtitzen dugun hura guztia ere bagara. Kosta egingo zaizu hasieran, baina denbora aurrera joan ahala lortuko duzu: zaborra ateratzera zoazen hurrengoan, edukiontzira iritsi baino lehen, zabaldu … Jarraitu irakurtzen →

Informazioa ez da ezagutza. Ezagutza ez da jakinduria. Jakinduria ez da egia. Egia ez da edertasuna. Edertasuna ez da maitasuna. Maitasuna ez da musika. Baina musika da onena. Frank Zappa

Beñat Sarasola lagunak Separata blogean bildu ditu hainbat poema itzulpen, iaz, Eslovenian, Literature Across Frontiers egitasmoan parte hartu ondoren ekarriak. Julia Sarachu argentinarraren eta Katja Gorečan esloveniarraren ale batzuk celosamenteratu ditugu aste honetan.

“Krudeltasunaren teatroa antzerki-munduan pasiozko eta aztoramenezko adierazpide bat berrezartzeko sortu da. Krudeltasuna erabiliko da horretarako, bai, eta odoltsua izango da askotan, baina ez modu sistematikoan. Krudeltasuna purutasun moral gisa ere ulertu daiteke, bizitza beharrezko den prezioan galtzeko beldurrik izango ez duena.” 2013-03-17ko saioa. Entzun hemen http://celosamentegordea.tumblr.com/

Ez ezazue zuen burua masa mediatikoaren eraginez engainatzen utzi. Larunbat honetan, hainbatek eta hainbatek esaten duten bezala, Printzipal Antzokian ez da Arabako Bertsolari Txapelketaren FINALA jokatuko. Azken orduko murrizketa-extrem baten ondorioz, udaleko kultura sailak horren ordez ZIRKOA ekartzea erabaki du. Biba! Bertxokon, nola ez, zoratzen gaude hartutako erabakiarekin. Horregatik, kuñatxo graziosete bat egin dugu, propaganda egiteko:  

Standard Podcast Play Now | Play in Popup | Download

Gaua da kanpoan, gaua izatea merezi duelako. Lurraren erraietan beti delako gaua, satorraren ordua da satorraren domeinuetan. Bi itzal bereizi daitezke akaso, autoko argien parean gugandik urruntzen, aurrera egin ahala gero eta luzeagoak bihurtzen diren bi itzal sortuz, gero eta difuminatuago ikusten ditugun bi gerizpe, bi zulo, bi min, karez estalitako memoria, desagertuaren hutsunea lurraren erraietatik oihuka, gor eta mutu. Bi itzal, bi zulo, larruazaletik ebatsi ezinekoak.   2013-03-10eko saioa. Entzun hemen http://celosamentegordea.tumblr.com/  

Ahazten gara gure memoriaz errazegi, hasten gara kutxa zaharretan gordetako argazkiak sailkatzen, lotura bat behar dugu munduarekin, ulertuko gaituen jendea inguruan, kafe epelaren kea esku bat behintzat lanpetuta mantentzeko mundu edulkoratuaz jabetzen saiatzen garen bitartean. Gutaz iritzi ona gordeko dutenak lehenetsiko ditugu hilobiratzen gaituztenean, bizitza eredugarrien errutinaz errukitzen diren horiek denak eta beste pare bat despistatu, hortik dabiltzanak, ezer pasako ez balitz bezala, pasiera itsuan. Zaila da gure txikitasunaren aurrean mundua azaltzea, zaila da lau hitzetan nor dugun guarda esplikatzea, … Jarraitu irakurtzen →

Badira hitzak, erabiliaren erabiliaz beren esanahia galtzen joaten direnak. Askatasuna izan daiteke horietako bat: zapata-zolaren usaina hartu du. Nor oroitzen da bere benetako esanahiaz? Inork ba al daki? Edo, bestela, inork badaki zenbat aldiz erabili duen askatasuna hitza bere esanahia debaluatuta? Erantzunak haizeak eramango lituzke, haizea bera ere ez balitz zapata-zolaren azpitik pasako. 2013-02-24ko saioa. Entzun hemen   http://celosamentegordea.tumblr.com/

Nork hustu neke hau, autoaren gurpila zulatu eta husten denean bezala. Pilatzen doa nekea, ezinbestean, zama bizkarrean, egunerokoak jartzen dizkigun zangotrabak. Zama gehiegi jarri dioten animalia bezala, oinak bihurritzeko arriskuarekin, gure buruari galderak eginez, gora bihotzak, bizitza da handiena, aurrera. Zoragarria da, horrelakoetan, zein erraz aurkitzen ditugun aurrera egiteko arrazoiak, nork husten digun neke hau. Berezko gaitasuna dugula dirudi: norbere buruari animoak emata, autoengainu terapeutikoa. Pilatzen zaigun nekeak hainbeste erasaten digula pentsatzea autoengainua ez balitz bezala. Zein erraz aurkitzen dugun … Jarraitu irakurtzen →

“Ume bat edukitzea, zuhaitz bat landatzea edo liburu bat idaztea erraza da. zaila dena da, umea heztea, zuhaitza ureztatzea eta norbaitek liburua irakurtzea.” 2013-02-10eko saioa. Entzun hemen http://celosamentegordea.tumblr.com/